माजी मंत्री रवींद्र चव्हाण यांची भाजप संघटन पर्वचे महाराष्ट्र प्रदेश प्रभारी म्हणून नियुक्ती
नवप्रभात NEWS / मुंबई
माजी सार्वजनिक बांधकाम मंत्री रवींद्र चव्हाण यांची पक्षाने प्रदेश प्रभारी म्हणून नियुक्ती केली आहे. त्यांची नियुक्ती भाजपचे प्रदेशाध्यक्ष चंद्रशेखर बावनकुळे यांनी केली. या नव्या जबाबदारीमुळे ते राज्यातील पक्ष संघटनेच्या कार्यात नेतृत्वाची भूमिका बजावतील. भाजप प्रदेशाध्यक्ष चंद्रशेखर बावनकुळे यांनी रवींद्र चव्हाण यांच्या नावाची घोषणा आज केली आहे. रवींद्र चव्हाण यांच्या नियुक्तीचे पत्र चंद्रशेखर बावनकुळे यांनी प्रसिध्दीस दिले आहे. प्रदेशाध्यक्ष पदावर नियुक्ती होईपर्यंत चव्हाण यांच्यावर विशेष जबाबदारी देण्यात आली आहे. तर प्रदेश अध्यक्षांप्रमाणेच रविंद्र चव्हाण यांच्याकडे अधिकार राहणार असल्याची माहिती पुढे आली आहे.
रवींद्र चव्हाण हे एकनाथ शिंदे सरकारमध्ये सार्वजनिक बांधकाम मंत्री म्हणून कार्यरत होते. डोंबिवलीतून ते चौथ्यांदा विजयी झाले आहेत. मात्र, मुख्यमंत्री देवेंद्र फडणवीस यांच्या मंत्रिमंडळ विस्तारामध्ये त्यांना संधी मिळाली नव्हती. मात्र पक्षाचे प्रदेशाध्यक्ष चंद्रशेखर बावनकुळे यांना मंत्रिमंडळात महसूलमंत्रिपद मिळाले होते, त्यानंतर आता रवींद्र चव्हाण यांना भाजप संघटन पर्वचे महाराष्ट्र प्रदेश प्रभारी म्हणून नियुक्ती करण्यात आली आहे.
Post a Comment
0 Comments