राज्यस्तर शालेय कुस्ती स्पर्धा उद्यापासून.....
नवप्रभात NEWS / सिंधुदुर्ग
राज्य क्रीडा व युवक सेवा संचालनालयाच्या निर्देशानुसार जिल्हा क्रीडा परिषद व जिल्हा क्रीडा अधिकारी कार्यालय यांच्यातर्फे २०२५-२६ साठी मुले व मुलींच्या राज्यस्तरीय शालेय कुस्ती (१४ वर्षांखालील मुले व मुली) क्रीडा स्पर्धा ८ ते ११ डिसेंबर या कालावधीत जिल्हा क्रीडा संकुल, सिंधुदुर्ग (बॅडमिंटन हॉल) येथे आयोजित करण्यात येत असल्याची माहिती जिल्हा क्रीडा अधिकारी नीलिमा अडसूळ यांनी दिली. राज्यस्तरीय शालेय कुस्ती (१४ वर्षाखालील मुले व मुली) क्रीडा स्पर्धेमध्ये विविध वजनी गटात अमरावती, छत्रपती संभाजीनगर, कोल्हापूर, लातूर, मुंबई, नागरपूर, नाशिक, पुणे असे महाराष्ट्रातील आठ विभागातून सुमारे १६० खेळाडू व संघ व्यवस्थापक, स्पर्धेकरिता पंच अशा एकूण २०० व्यक्ती उपस्थित राहणार आहेत. जिल्हा क्रीडा परिषद व जिल्हा क्रीडा अधिकारी कार्यालय, सिंधुदुर्ग यांच्याद्वारे खेळाडू व संघ व्यवस्थापक यांची निवास, भोजन आदी बाबींची व्यवस्था करण्यात येत आहे. राज्य शालेय कुस्ती क्रीडा स्पर्धेचे उद्घाटन ८ डिसेंबर रोजी सायंकाळी ४ वा. बॅडमिंटन हॉल, जिल्हा क्रीडा संकुल, सिंधुदुर्गनगरी येथे होणार आहे. राज्य कुस्ती स्पर्धेचे सामने पाहण्याचा आनंद घ्यावा, असे आवाहन जिल्हा क्रीडा कार्यालयामार्फत करण्यात आले आहे.
Post a Comment
0 Comments